top of page
Alberto Martelli, poesie
La Mirella del Monfort
El sarà fors on ann che in via Manzoni
gh'hoo cognossuu propi ona bella sposa:
cavej negher, occ sbirent e bocca rosa,
la par on madonnin in devozion.
La sta settaa adrée del sò balcon
- fa la cassiera - e a l'è semper radiosa
con tucc, sia che te voeuret ona gassosa
che on caliz de sciampagna, de quel bon.
Per ona Sciora insci dolza e rident
mi voraria vess ricch come on pascià
e mandagh ogni tant on bel present.
Ma vist che mi son soli on poer travèt
me contenti de digh: "Come la staa?"
e dedicagh el coeur e sto sonett.
bottom of page